当前位置: 主页 > A生活沟 >[E3 2016]Jack:「播预告片的闷show」EA展前 >

[E3 2016]Jack:「播预告片的闷show」EA展前

浏览量:275
点赞:597
时间:2020-06-09
[E3 2016]Jack:「播预告片的闷show」EA展前

今年E3首个展前记者会终于开始,由EA打头阵。今年EA虽然唔摆E3,但都特意嚮E3前继续搞记招「EA Play」,而且仲要同伦敦同步搞,本来有啲期望,点知睇完真係想大声讲句:「他的妈!」

[E3 2016]Jack:「播预告片的闷show」EA展前

◆ 个人觉得,成个记者会最好睇就係摩连奴出嚟搞事呢段。

EA喺呢一个小时嘅记者会入面,将佢哋而家手头上嘅王牌都show晒出嚟,其中有《Battlefield 1》、《Mass Effect:Andromeda》、《FIFA 17》及其他特别企划。够唔够时间讲?梗係唔够啦!结果游戏同企划都变成流水式presentation,各个负责人上台播slide吹几句,然后播预告片,完,到下个。如果唔係有摩连奴现真身出嚟搞吓烂gag,真係好易会瞓着。最燥係我花一个小时睇完个记者会,係冇咩得着,枉我捱住眼瞓睇!

世界大战

《Battlefield 1》

[E3 2016]Jack:「播预告片的闷show」EA展前

《Battlefield 1》绝对係今次记者会重点,因为嚮LA呢边就有64部PC,俾在场人士参加32对32嘅混战,成件事係开心嘅。据EA讲,今个夏天应该会有Open Beta俾大家试,10月21日出街。记者会完结后随即就开始64人混战,战况仲经live stream直播。从试玩可以见到,以第一次世界大战为背景嘅《BF1》玩法虽然同以往《BF》作冇太大分别,不过啲枪好明显唔会好準,入弹时间亦较长。载具方面,除咗有半空飞船,仲有轻、中或重型坦克,甚至跳降伞都会有得俾大家玩,唔知有冇得骑马呢又?

[E3 2016]Jack:「播预告片的闷show」EA展前
◆ 打飞船感觉好玄幻。[E3 2016]Jack:「播预告片的闷show」EA展前
◆ LA现场设有64部PC,可以玩32对32人嘅《BF1》多人混战,爽歪歪!

全新故事

《Mass Effect:Andromeda》

[E3 2016]Jack:「播预告片的闷show」EA展前

Bioware工作室手上嘅王牌品牌《Mass Effect》系列相信有唔少巴丝打都有玩,虽则《ME3》个结局烂到无伦,但亦无阻呢个系列成为神作。当大家谂住《Mass Effect》呢个品牌应该完结,点知新计划已经展开。全新故事全新人物,今次带大家去到仙女座(Andromeda),地球人以外星人嘅身份同当地人接触。又係冇gameplay得条预告,不过条预告係几吸引人嘅。如果真係出自实际游戏画面,Frostbite 3运作嘅《MEA》画面的确係靓,人物表情亦非常真实,相信要高阶PC先可以做到,主机唔洗旨意啦!游戏本来係今年出,记者会入面冇讲日期,睇怕都要延期居多,话唔定出年E3都仲係睇紧呢只游戏嘅新预告。

[E3 2016]Jack:「播预告片的闷show」EA展前
◆ 片末出现呢位女生特写,女主角暗示?[E3 2016]Jack:「播预告片的闷show」EA展前
◆ 外星人都人咁好表情。

终于有单打

《Titanfall 2》

[E3 2016]Jack:「播预告片的闷show」EA展前

《Titanfall》好唔好玩?其实好因人而异,但好多话唔好玩嘅人劈头第一句就闹只游戏冇单人模式。EA原来听到大家点闹,于是喺《Titanfall 2》加返个单人模式俾大家,同时追加更多唔同款式嘅机械人。除PC及Xbox One外,《Titanfall 2》仲会推埋PS4版,係咪开心先?几时有得玩?10月28日,如果唔延期的话。

[E3 2016]Jack:「播预告片的闷show」EA展前[E3 2016]Jack:「播预告片的闷show」EA展前

◆ 有单人模式,又有新机械人,回镬否?落搭否?

最无料到

《Star Wars》新作

[E3 2016]Jack:「播预告片的闷show」EA展前

◆ 好在我唔係《星战》迷,唔係真係嬲到爆厂!

呢一节真係最令人失望,仲谂住EA会有关于星战嘅新作品公布,点知只係话俾大家知:佢哋旗下各工作室及合作伙伴,都同时进行紧以《星战》为题材嘅相关游戏开发,再播一条唔係好关事、叫做「A Look Ahead」嘅预告,最后话你知《Star Wars Battlefield》会加新内容,完。

《FIFA 17》

[E3 2016]Jack:「播预告片的闷show」EA展前

◆ 搵占士洛迪古斯(皇马)、夏萨特(车路士)、安东尼马迪尔(曼联)同埋莱斯(多蒙特)做代言人都算係新料啦呵?

另一只我哋香港玩家关心嘅游戏系列一定係《FIFA》啦。老老豆豆,关于《FIFA 17》嘅料并唔多,而家知嘅就係佢会加入一个叫做「The Journey」嘅故事模式,即係好似《NBA 2K》系列个职业生涯模式咁,由玩家自建一个角色,跟住咪由学徒做起,向成为球星之路进发啰,係励志嘅!另外,EA话今集游戏系统会有4大改善:物理表现劲啲、A.I.聪明啲、进攻方面多啲花款,分波俾位亦会有所改良,但究竟会改成点,因为冇gameplay所以冇得下定论。其实我到而家都只係记得由摩连奴做VO嗰条片,大家可以掀入去睇睇。

其余有提及嘅游戏仲有美式足球《MADDEN》,佢会正式加入eSports行列。另有一个叫做「EA Originals」嘅计划正式上马,旨在俾啲独立小型製作室将完成嘅游戏交俾EA做发行。而记者会亦都介绍呢个计划嘅第一套完成品《Fe》,仲有一个名为「Play to Give」嘅打机捐钱活动。

[E3 2016]Jack:「播预告片的闷show」EA展前
◆ EA Originals将为indie game集中地。[E3 2016]Jack:「播预告片的闷show」EA展前
◆ 《Fe》呢个画风,你buy唔buy?我就极度麻麻喇。

总结:何苦夹硬搞

睇完成个展,我只係觉得EA呢个记者会开得好夹硬,好多嘢好似仲未準备好就要拎出嚟扬,搞到好似两头唔头岸咁。把心一横唔摆E3,除咗因为成本贵之外,手上筹码不足似乎係另一个原因。而家好啦,夹硬搞仲衰,一众EA hater应该饮得杯落。

上一篇: 下一篇: